Pashupatinath Buddha Foundation of New England | PABFONE

पशुपतिनाथ बुद्ध फाउण्डेशन अफ न्यू ईङ्गल्याण्ड
Pashupatinath Buddha Foundation of New England | PABFONE

बोर्ड अफ ट्रष्टि तथा कार्यकारिणी समितीको संयुक्त बैठक सम्पन्न

पशुपतिनाथ बुद्ध फाउण्डेशन अफ न्यु ईगंल्याण्डको बोर्ड अफ ट्रष्टि तथा कार्यकारिणी समितीको संयुक्त बैठक सम्पन्न:

यही मिति २०२० सेप्टेम्बर ३, बिहिबार सॉंझ ६:०० बजे समसामयिक/परिवर्तित अवस्थाका विषयमा छलफल गरी यस पशुपतिनाथ बुद्ध फाउण्डेशन अफ न्यु ईगंल्याण्डको बोर्ड अफ ट्रस्टी र कार्यकारिणी समितीको संयुक्त बैठक जुम मार्फत सम्पन्न भयो ।

यस संस्थाका संस्थापक अध्यक्ष तथा बोर्ड अफ ट्र्ष्टिका अध्यक्ष श्री बिष्णुमणी आचार्य आफ्नो व्यक्तिगत पारिवारिक कारणले केही समयका लागी अन्य राज्यमा रहनु पर्ने भएकाले हाल उहॉंले सम्हाली रहनु भएको बोर्ड अफ ट्रष्टिको अध्यक्ष लगायतका पदीय जिम्मेवारीबाट केही समयका लागी बिश्राम लिने प्रश्ताव गर्नु भएकोमा यस अघी सम्पन्न बोर्ड अफ ट्रष्टिको बैठकले उहॉंको उक्त चाहनालाई मध्यनजर गर्दै बोर्ड अफ ट्रष्टिको अध्यक्षमा तात्कालीन “बष्टन सप्ताह २०१७” का संयोजक श्री शुसिल पौडेल ज्युलाई चयन गरेकोले यस बोर्ड अफ ट्रस्टी र कार्यकारिणी समितिको संयुक्त बैठकले संस्थाका संस्थापक अध्यक्ष तथा बोर्ड अफ ट्रष्टीका निवर्तमान अध्यक्ष श्री बिष्णुमणी आचार्यलाई बष्टन क्षेत्रमा पशुपतिनाथको मन्दिर, बौद्ध स्तुपा सहितको नेपाली कम्यूनिटी भवनको स्थापनाको उदेश्य राखी यस संस्थापको स्थापना गर्न महत्वपूर्ण भूमिका निर्वाह गर्नुकासाथै शुरुका दिन देखी आजका दिनसम्म निर्तन्तर नेतृत्व प्रदान गरी यस संस्था स्थापनाको उदेश्य अनुरुपको कार्य समेत सम्पन्न गरी आफ्नो जिम्मेवारी पुरा गर्नु भएकोमा धन्यवाद ज्ञापन गर्नुका साथै भविष्यमा पनि उहॉंको निरन्तर सहयोग, सुझाव, र सल्लाह पांउने अपेक्षाका साथ उहॉंको आगामी समयमा निरन्तर प्रगति र सफलताका लागी शुभकामना प्रदान गरियो ।

यस बैठकले संस्थाको बोर्ड अफ ट्रष्टिको अध्यक्ष पदमा चयन हुनु भएकोमा नव नियुक्त अध्यक्ष श्री शुसिल पौडेल ज्युलाई यस गरिमामय पदमा चयन हुनु भएकोमा बधाई तथा उहॉंको सफल कार्यकालकालागी शुभकामना प्रदान गरियो ।

“बष्टन सप्ताह २०१७” तथा अन्य विविध अवसरमा पशुपतिनाथको मन्दिर र बुद्ध स्तुपा सहितको नेपाली सामुदायिक भवन निर्माणको उत्कट अभिलासा परिपुर्तिका लागी यहॉंहरुबाट प्राप्त बचनवद्दतालाई नै मुल आधारमानी भवन खरिद प्रकृया सम्पन्न भई हाल भौतिक नवीकरण तथा मन्दिर एवं स्तुपा निर्माण कार्य भईरहेको अवस्थामा यसलाई सम्पन्न गर्न यहॉंहरुको सहयोग अपरिहार्य भएका कारण विविध समयमा भएका बचन वद्दता अनुरुपको बॉंकी रकम यथाशीघ्र उपलब्ध गराई उदेश्य परिपूर्तिका लागी सहयोग गरिदिनुहुन अनुरोध गर्ने निर्णय गरियो।

साथै यस अघी सहयोग वा वचनबध्धताको अवसर नमिलेको तर सहयोगको अभिलाषा रहेका कोही महानुभाव हुनु हुन्छ भने नयॉं वचन वद्दतताका साथ आफुले सकेको आर्थिक सहयोग समेत
गरिदिनु हुन समेत अनुरोध गर्ने निर्णय गरियो ।

यस बष्टन क्षेत्रमा पशुपतिनाथको मन्दिर र बुद्ध स्तुपा सहितको नेपाली सामुदायिक भवन निर्माणको उत्कट अभिलासा परिपुर्तिका लागी गठीत पशुपति बुद्ध फाउण्डेशन अफ न्युईगंल्याण्ड उदेश्य मुताविक सफलताको पथमा अगिबढिरहेको यहॉंहरुमा अवगत नै छ । यसकालागी भवनको भौतिक नवीकरण भैरहेकोमा भौतिक नवीकरण र यसको संस्थागत संचालनका लागी यो मन्दिर/भवन व्यवस्थित नहुंदा सम्म यसको दैनिक संचालन र व्यावस्थापनका लागी यस अघिको साधारण सभाबाट हामी सबैले बार्षिक सदस्यता वापत $२०० बुझाई बार्षिक सदस्य बन्ने भन्ने निर्णय भएकोले सो बमोजिम बार्षिक सदस्य बनी सहयोग गरिदिनुहुन सबैमा अनुरोध गर्ने निर्णय गरियो । यसले हामिलाई यस भवनको भौतिक नवीकरण यथाशीघ्र सम्पन्न गर्न र चॉंडो भन्दा चॉंडो भवन संचालनमा ल्याउन मद्दत पुर्याउने छ ।

अत: यथाशीघ्र बॉंकी रकम उपलब्ध गराईदिनु हुन तथा बार्षिक सदस्यता लिईदिनुहुन अनुरोध समेत गर्ने निर्णय गरियो।

(पुन:श्च: उक्त बार्षिक सदस्यता शुल्क वापतको $२०० यहॉंको वचनवध्धता भएकोमा उक्त वचनबध्धताको रकममाथी थप हुंदै जानेछ । पहिले वचनबध्धता नभएकोमा यसलाई $००० वचनबध्धता मानी सोही माथी थप गर्दै लगिने छ । यदि यहॉंले चहानुभएमा थप नयॉं वचनबध्धता पनि व्यक्त गर्न सक्नु हुनेछ ।)

अन्त्यमा: यस संस्थामा हालसम्म भएका सम्पुर्ण गतिविधिहरु पारदर्शी रहेका र आऊदा दिनहरुमा समेत सोही विषयलाई निरन्तरता दिने र कहीं कतै कुनै विषयमा अस्पष्टता भएमा, वा जिज्ञासा भएमा, वा सुझाव भएमा, वा जानकारी भएमा सोझै आधिकारिक व्यक्तिहरुलाई सम्पर्क गर्न समेत अनुरोध गर्ने निर्णय गरियो ।

धन्यवाद ।

परशुराम फुयाल
प्रवक्ता
कार्यकारिणी समिती
पशुपतिनाथ बुद्ध फाउण्डेशन अफ न्यु ईगंल्याण्ड

देऊसी-भैलो २०१९ कार्यक्रम सम्पन्न

देऊसी-भैलो कार्यक्रम, २०१९

पशुपतिनाथ बौद्ध फ़ाऊण्डेशन अफ न्यू ईगंल्याण्ड (PABFONE) देऊसी-भैलो कार्यक्रम, २०१९:

यस पशुपतिनाथ बौद्ध फ़ाऊण्डेशन अफ न्यू ईगंल्याण्ड (PABFONE) ले हरेक बर्ष नेपालीहरुको महान चाड तिहारको उपलक्ष्यमा आफ्नो कला, संस्कृति, र परंपराको जगेर्नाका लागी देऊसी-भैलो कार्यक्रम गर्दै आएकोमा यस बर्ष पनि विभिन्न स्थान र समयमा देऊसी-भैलो कार्यक्रम आयोजना गरी हर्षोल्लासका साथ सम्पन्न भएकोछ । विशेषत: लामो समयको अथक प्रयास पश्चात हाम्रो आफ्नै भवन खरिद गर्न सफल भएको अवसरमा यो बर्षको देऊसी-भैलो विशेष महत्वपूर्ण थियो। अझ आफ्नै भवनमा हुने देऊसी-भैलो सदॉंका भन्दा भव्यरुपमा मनाई खुशीसमेत साटासाट गर्नु पर्ने अवस्था रहेकोमा यस न्यू ईगंल्याण्ड क्षेत्रमा बसोबास गर्ने समस्त नेपाली आफु सपरिवार उपस्थित भई तथा आ-आफ्ना चिर-परिचित सबैलाई स-परिवार उपस्थित हुन् अनुरोध गरी उपस्थित गराई यो बर्षको देऊसी-भैलो कार्यक्रम भव्यताका साथ सम्पन्न भएकोछ ।

कार्यक्रमको पहिलो दिनको आतिथ्यता PABFONE-EC सदस्य श्री किरण खड्का/श्रीमती वृन्दा खड्काले Friday, October 25, 2019 का दिन वहॉंहरुको आफ्नै निवास Everett, MA 02149 मा गर्नु भएको थियो । उक्त दिनको देऊसी-भैलोबाट फ़ाऊण्डेशनको सहयोगार्थ $४,२६३ दान संकलन भयो ।

कार्यक्रमको दोस्रो दिनको आतिथ्यता Greater Boston Nepalese Community (GBNC)ले Saturday, October 26, 2019 का दिन GBNC को दशैं तिहार उत्सव, २०७६ को कार्यक्रम स्थल Center for the Arts at the Armory, 191 Highland Avenue, Somerville, MA 02143 मा गर्नु भएको थियो । उक्त दिनको देऊसी-भैलोबाट फ़ाऊण्डेशनको सहयोगार्थ $१,२७० दान संकलन भयो ।

कार्यक्रमको तेस्रो दिनको आतिथ्यता PABFONE-BOT सदस्य श्री शिव श्रेष्ठ/श्रीमती अन्जु श्रेष्ठले Sunday, October 27, 2019 का दिन वहॉंहरुको आफ्नै निवास North Dartmouth, MA 02747 मा गर्नु भएको थियो । उक्त दिनको देऊसी-भैलोबाट फ़ाऊण्डेशनको सहयोगार्थ $२,१६६ दान संकलन भयो ।

कार्यक्रमको चौथो दिनको आतिथ्यता Metro-West Nepali Community, Norwood ले Monday, October 28, 2019 का दिन PABFONE को आफ्नै भवन 594 Washington Street, Braintree, MA 02184 मा गर्नु भएको थियो । उक्त दिनको देऊसी-भैलोबाट फ़ाऊण्डेशनको सहयोगार्थ $६,३२७ दान संकलन भयो ।

गत September 22, 2019 मा श्री बिष्णु कार्कीको अध्यक्षतामा नयॉं कार्यसमिती गठन भएको र देऊसी-भैलो टोलीको समेत पुस्तान्तरण भएको तथा छोटो अवधीको तयारीका वाबजुद यस बर्षको देऊसी-भैलो कार्यक्रमबाट पशुपतिनाथ बौद्ध फ़ाऊण्डेशन अफ न्यू ईगंल्याण्ड (PABFONE) को सहयोगार्थ जम्मा रकम $१४,०२६ संकलन भएकोछ ।

यस देऊसी-भैलो कार्यक्रममा देऊसी-भैलो वाचक बहु-प्रतिभाशाली व्यक्तित्व PABFONE-EC सदस्य श्री यम पौडेलको वाचन तथा गायन रहेको थियो ।

यस देऊसी-भैलोमा वाद्यवादकका रुपमा 4th UNA Convention, 2019 (May 25 – May 27 New York) मा UNA Little Champion EVEREST BAND, Boston का कलाकारहरु Boston Nepali Community का भविष्यका धरोहरहरु श्री प्रणव फुयाल – सारंगी, श्री अनुभव थपलिया – मादल, श्री स्वयं पोखरेल – पियानो, र श्री एड्रियन प्रधान – गितारको उत्कृष्ट सॉंगीतिक प्रश्तुती रहेको थियो ।

उक्त देऊसी-भैलो कार्यक्रममा सुश्री पर्णिका फुयाल र सुश्री सिमरन पौडेलले प्रश्तुत गरेको तिहारको परम्परागत गीत तिहारै आयो लौ झिलमिलीमा नृत्यले कार्यक्रमलाई अझै मनमोहक बनाऊन सहयोग पुगेको थियो ।

श्री यम पौडेललाई वाचन तथा गायनमा श्री राजेश के.सी. ले साथ दिनुभएको थियो । वाद्यवादनमा EVEREST BAND, Boston का कलाकारहरु श्री प्रणव फुयाल – सारंगी, श्री अनुभव थपलिया – मादल, श्री स्वयं पोखरेल – पियानो, र श्री एड्रियन प्रधानलाई मादल तथा धिमे एवं ढोलकमा PABFONE-EC सदस्य श्री जल प्रसाद घिमिरे, PABFONE-EC सदस्य श्री चन्द्रदेव मंडल तथा श्री विकास मगरले साथ दिनु भएको थियो ।

PABFONE देऊसी-भैलो, २०१९ को संयोजकत्व PABFONE-EC का प्रथम उपाध्यक्ष श्री सुरेश वाग्लेले गर्नु भएको थियो भने देऊसी-भैलो तयारी तथा कलाकार प्रशिक्षणका लागी PABFONE-EC महासचिव श्री गौरवराज थपलियाले विषेश भुमीका निर्वाह गर्नुका अलावा स्थान तथा खानाको समेत प्रवन्ध गर्नु भएको थियो । प्रशिक्षणका अवधिमा PQBFONE-BOT Vice-Chair श्री मिलन गुरुगं, कार्यक्रम श्री संयोजक सुरेश वाग्ले, महासचिव श्री गौरवराज थपलिया, प्रवक्ता श्री परशुराम फुयाल, सदस्य श्री जल प्रसाद घिमिरे, सदस्य श्री यम पौडेल, र सदस्य श्री दिपक काफ्लेले पनि महत्वपूर्ण भूमिका निर्वाह गर्नु भएको थियो ।

कलाकार प्रशिक्षण वरिष्ठ सारंगी वादक श्री स्याम नेपालीले गर्नुभएको थियो भने संगीतमा श्री शुसिल गौतमको पनि सहयोग रहेको थियो । साथै कार्यक्रम अवधिभर प्राविधिक सहयोग DJ श्री सन्दिप भट्टराईले गर्नु भएको थियो ।

उपरोक्त स्थानहरुमा भएको देऊसी-भैलो कार्यक्रममा PABFONE-BOT तथा PABFONE-EC पदाधिकारी तथा सदस्यहरु एवं नेपाली कला, संस्कृति, पर्मपरालाई माया गर्नु हुने महानुभावहरुको सकृय सहभागिता र उपस्थितीले यस बर्षको देऊसी-भैलो कार्यक्रम भव्य र सभ्य रुपमा सफल भयो ।

धन्यवाद

परशुराम फुयाल
प्रवक्ता
पशुपतिनाथ बौद्ध फ़ाऊण्डेशन अफ न्यू ईगंल्याण्ड (PABFONE)
कार्यकारिणी समिती (EC)

देऊसी-भैलो कार्यक्रम

आदरणीय पशुपतिनाथ बौद्ध फ़ाऊण्डेशन अफ न्यू ईगंल्याण्ड (PABFONE) EXECUTIVE COMMITTEE पदाधिकारी तथा सदस्य मित्रहरु !

यस पशुपतिनाथ बौद्ध फ़ाऊण्डेशन अफ न्यू ईगंल्याण्ड (PABFONE) ले हरेक बर्ष नेपालीहरुको महान चाड तिहारको उपलक्ष्यमा देऊसी-भैलो कार्यक्रम गर्दै आएकोमा यस बर्ष पनि निम्न स्थान र समयमा देऊसी-भैलो कार्यक्रम आयोजना हुनगैरहेको विधितै छ । विशेषत: लामो समयको अथक प्रयास पश्चात हाम्रो आफ्नै भवन खरिद गर्न सफल भएको अवसरमा यो बर्षको देऊसी-भैलो विशेष महत्वपूर्ण छ । अझ आफ्नै भवनमा हुने देऊसी-भैलो सदॉंका भन्दा भव्यरुपमा मनाई खुशीसमेत साटासाट गर्नु पर्ने भएकाले सकेसम्म यस न्यू ईगंल्याण्ड क्षेत्रमा बसोबास गर्ने समस्त नेपाली कोही पनि सुचनाबाट वन्चित नहुन् भन्ने मनसायका साथ आफुले चिने-जानेका सबैमा यो देऊसी-भैलो कार्यक्रमको जानकारी पुर्यांऊ । आफु सपरिवार उपस्थित हौं र सबैलाई स-परिवार उपस्थित हुन् अनुरोध गरौं । कम्तिमा आफु १ जनाका साथ १० जना उपस्थित गराऔं र यो बर्षको देऊसी-भैलो कार्यक्रम भव्यताका साथ सफल पारौं ।

कार्यक्रम:
पहिलो दिन:
October 25, Friday, 7:30 PM
1 Moreland Pl. Everett, MA 02149
(Host: Kiran Khadka/Brinda Khadka and team Everett/Malden)

दोस्रो दिन:
October 26, Saturday 8:15 PM
191 Highland Avenue, Somerville, MA 02143
(Host: GBNC and team Somerville )

तेस्रो दिन:
October 27, Sunday 7:00 PM
70 Millers Drive, North Dartmouth MA 02747
(Host: Shiva Shrestha/Anju Shrestha and team)

चौथो दिन:
October 28, Monday 7:00 PM
PABFONE Building
594 Washington Street, Braintree, MA 02184
(host: Metro West Nepali Community)

धन्यवाद

पशुपतिनाथ बौद्ध फ़ाऊण्डेशन अफ न्यू ईगंल्याण्ड (PABFONE)

गुरू नरेशमान बज्राचार्यको प्रवचन

गुरू नरेशमान बज्राचार्य

बोस्टन । पशुपतिनाथ एण्ड बुद्ध फाउन्डेशन अफ न्यू इंग्लैंड (प्याब्फोन) र नेवा अर्गनाइजेसन अफ न्यू इंग्लैंडको संयुक्त आयोजनामा बोस्टनमा बुद्ध धर्म र दर्शनबारे गुरू नरेशमान बज्राचार्यको प्रवचन सम्पन्न भयो । उहाँलाई नेवारी बुद्धीष्ट बज्रयानको गुरु मानिन्छ । बुद्ध धर्म र दर्शन बिषयमा दिल्ली बिश्वविद्यालयबाट विद्यावारिधी गर्नुभएका गुरू डा. नरेशमान बज्राचार्य अमेरिकी सरकारले प्रदान गर्ने आवास सहितको फूलब्राइट कार्यक्रम अन्तर्गत हाल म्यासाचुसेट्सको उस्टरस्थित कलेज अफ दि होलिक्रस लिवरल आर्टस कलेजमा आउनुभएका वेला पारेर उक्त प्रवचन कार्यक्रमको आयोजना गरिएको थियो ।

सानै छंदा मानिसहरूले गुरू मानेर ढोग्ने र दान दक्षिणा दिने गरेकोले आफूलाई राम्रै गुरू बन्न प्रेरणा मिलेको र बाैद्ध धर्म र दर्शनबारे अध्ययन गरेको गुरू बज्राचार्यको भनाई थियो ।

गुरू बज्राचार्यका अनुसार मानिसहरू भूत र भविष्यबारे मात्रै चिन्ता गर्दछन, वर्तमानबारे कसैले सोच्दैनन् । उनीहरूलाइ भूत र भविष्य मात्र थाहा छ तर वर्तमान बिर्सिरहेका छन् । जो वर्तमानमा बाँचिरहेको छ उसले वर्तमानलाइ चिन्दैन । उसलाइ जीवन के हो थाहा पनि छैन । जन्म लिने धर्तिमा, चिन्ता लिने स्वर्ग र नर्गको । त्यसैले भूत र भविष्यलाई मात्र चिनेर पुग्दैन, वर्तमानलाइ पनि चिन्न सक्नु पर्दछ, र जीवन जीउन सिक्नु पर्दछ । जीवन र जगतलाई चिन्न सक्नु नै बुद्धीमता हो र त्यही नै जीवन हो । यही नै बुद्धको सन्देश पनि हो । बुद्धीज्म एउटा दर्शन मात्र नभएर जीवन जीउन सिकाउने कला पनि भएको गुरू बज्राचार्यले बताउनु भयो ।

प्याब्फोनको अफ्नै भवनमा अयोजित उक्त कार्यक्रममा गुरूले नेपालीहरूले हालै खरिद गरेको भवनको प्रशंसा गर्नु भयो र यसलाई सबैको साझा बनाउनु पर्ने उहाँको सुझाव थियो । गुरूले अफ्नै पहलमा लुम्बिनीमा निर्मित बाैद्ध विहारको तस्विरहरू पनि देखाउनु भएको थियो । प्याब्फोनका उपाध्यक्ष बिजय तामाङको सभापतित्वमा अयोजित उक्त कार्यक्रमको संचालन गाैरव थपलियाले गर्नु भएको थियो र अर्का उपाध्यक्ष एलिना श्रेष्ठले स्वागत मन्तव्य दिनु भएको थियो ।

विजय तामाङ

प्रेष विज्ञप्ति

पशुपतिनाथ बुद्ध फाउन्डेशन अफ न्यू ईङ्गल्याण्ड (PABFONE) को सातौं बार्षिक साधारण सभा सेप्टेम्बर २२, २०१९ आइतबार सांझ ब्रेनट्रीस्थित संस्थाको आफ्नै भवनमा सम्पन्न भयो । संस्थाका चेयरपर्सन श्री मिलन गुरूङ्गको सभापतित्वमा भएको उक्त सभामा संस्थाका अध्यक्ष बिष्णु मणि आचार्यले उपस्थित अतिथि लगायत सम्पूर्ण महानुभावहरुलाई स्वागत गर्नु भयो । उक्त सभाले संस्थाका महासचिव बिरोचन नेपालद्धारा प्रस्तुत बार्षिक प्रतिवेदन र कोषाध्यक्ष शुशील पौडेलद्धारा प्रस्तुत आर्थिक प्रतिवेदन सर्वसम्मत पारित गर्दै पुष्कर न्यौपानेलाई संस्थाको लेखापरिक्षकमा पुन: नियुक्त गर्यो । त्यसपछी संस्थाको विधान २०१२ लाइ संसोधन र परिमार्जन गर्न पुष्कर न्यौपाने, शिव श्रेष्ट, र बिजय शर्मा सम्मिलित तीन सदस्यीय विधान मस्यौदा समितिले तयार पारेको संसोधित र परिमार्जित विधान मस्यौदा समितिका सदस्य पुष्कर न्यौपानेले सभामा प्रस्तुत गर्नुभयो । प्रस्तुत विधान उपर छलफल हुँदा विधानमा उल्लेखित सदस्यको मताधिकार व्यवस्था प्रति हलमा उपस्थित केही सहभागीहरुको बिमति रहेपनि प्रस्तुत विधान अत्यधिक बहुमतले पारित भयो । त्यस्तै मुख्य सभा हल भाडामा लगाउने वा पूजाको लागी मात्र प्रयोग गर्ने भन्ने बिषयमा छलफल हुँदा संस्थाको आर्थिक दायित्व वहन गर्न वैकल्पिक आर्थिक योजना ल्याए भाडामा लगाउने बिषयमा पुनर्विचार गर्न सकिने निर्णय सभाले गर्यो ।

तत् पश्चातः अध्यक्ष बिष्णु मणि आचार्यको अध्यक्षतामा कार्यरत पुरानो कार्यसमिति, भवन खरिद सम्बन्धमा बनेको प्रोपर्टी टास्क फोर्स लगायत सबै समिति र उपसमिति विघटन भइ निर्वाचन समितिका संयोजक दिन भट्टले बिष्णु कार्कीको अध्यक्षतामा बनेको २९ सदस्यीय नयाँ कार्यसमिति र बिष्णु मणि आचार्यको नेतृत्वमा बनेको १७ सदस्यीय बोर्ड अफ ट्रष्टीको घोषणा गर्नु भयो । स्मरण रहोस् नयाँ विधानले स्थापना कालदेखि हालसम्म दश हजार डलर आर्थिक सहयोग गरेको व्यक्ति बोर्ड अफ ट्रष्टीको सदस्य हुन सक्ने व्यवस्था गरेकाे छ ।

नयाँ कार्यसमितिमा मनोनित पदाधिकारी र सदस्यहरूः

१. बिष्णु कार्की, अध्यक्ष
२. बिष्णु मणि आचार्य, निवर्तमान अध्यक्ष
३. सुरेश वाग्ले, प्रथम उपाध्यक्ष
४. एलीना श्रेष्ठ, दुतिय उपाध्यक्ष
५. बिजय तामाङ, तृतीय उपाध्यक्ष
६. गौरव थपलिया, महासचिव
७. रन्जन थापा, सचिव
८. खगेन्द्र रेग्मी, कोषाध्यक्ष
९. राधा कृष्ण पन्त, सह कोषाध्यक्ष
१०. परशुराम फुयाल, प्रवक्ता
११. किरण खड्का, सदस्य
१२. अन्जु थापा, सदस्य
१३. दिपक काफ्ले, सदस्य
१४. सुरेश ढकाल, सदस्य
१५. लक्ष्मी खनाल, सदस्य
१६. मिलन कुमार कार्की, सदस्य
१७. लव अधिकारी, सदस्य
१८. चिरन्जिवि आचार्य, सदस्य
१९. राम धिताल, सदस्य
२०. संगित निरौला, सदस्य
२१. चन्द्र ब. मल्ल, सदस्य
२२. चन्द्र देव मंडल, सदस्य
२३. दिनेश ढुंगेल, सदस्य
२४. प्रचंड श्रेष्ठ, सदस्य
२५. चन्द्र पुन, सदस्य
२६. संजय राय, सदस्य
२७. यम पौडेल, सदस्य
२८. अखण्ड श्रेष्ठ, सदस्य
२९. जाल प्रसाद घिमिरे, सदस्य

बोर्ड अफ ट्रष्टीः

१. बिष्णु मणि आचार्य, चेयरमेन
२. मिलन गुरुङ, भाइस चेयरमेन
३. राम थापा, भाइस चेयरमेन
४. बिरोचन नेपाल, भाइस चेयरमेन
५. ध्रुव घिमिरे, भाइस चेयरमेन
६. शुशील पौडेल, भाइस चेयरमेन
७. महेश्वर पन्त, भाइस चेयरमेन
८. बिष्णु कार्की, ट्रष्टी
९. भुवन गुरुङ, ट्रष्टी
१०. शिव श्रेष्ट, ट्रष्टी
११. लक्ष्मी नारायण प्रधान, ट्रष्टी
१२. प्रकाश अधिकारी, ट्रष्टी
१३. हिमालयन बिष्ट्रो, ट्रष्टी
१४. सुरेश वाग्ले, ट्रष्टी
१५. सुरेश ढकाल, ट्रष्टी
१६. जाल प्रसाद घिमिरे, ट्रष्टी
१७. निरज अर्याल, ट्रस्टी

नयाँ कार्यसमिति र बोर्ड अफ ट्रष्टी घोषणा पश्चात संयोजक दिन भट्टले नयाँ कार्यसमिति र बोर्ड अफ ट्रष्टीको पदाधिकारी र सदस्यहरू सबैलाइ पद तथा गोपनियताको सपथ ग्रहण गराउनु भयो । संस्थाको बोर्ड अफ डाइरेक्टरमा रहेर देउसी भैलो, बोस्टन सप्ताह र भवन खरिद लगायत विभिन्न कार्यक्रमहरूमा महत्वपूर्ण योगदान गर्नुहुने सबैलाई प्रशंसा पत्र वितरण गरिएको थियो । सभाका सभापति श्री मिलन गुरूङ्गले निवर्तमान समितिका सबै सदस्यहरूलाई धन्यवाद तथा नयाँ समितिका सदस्यहरूलाई सफलताको शुभकामना दिएर सभा विसर्जन गर्नु भयो।

धन्यवाद ।
परशुराम फुयाल

प्रवक्ता
कार्यसमिति
पशुपतिनाथ बुद्ध फाउन्डेशन अफ न्यू ईङ्गल्याण्ड (प्याब्फोन)
मितिः सेप्टेम्बर २२, २०१९ ।

बोष्टनमा पशुपतिनाथ र बुद्दको स्तुपा सहित नेपाली कम्युनिटी सेन्टरको लागी भवन किनियो।

यम पौडेल / बोष्टन / अगष्ट ९, २०१९

अमेरिकाको बोष्टनमा पशुपतिनाथ र बुद्दको स्तुपा सहित नेपाली कम्युनिटि सेन्टर बनाऊन ऊपयुक्त भवन सत्र लाख पचास हजार डलरमा खरिद गरिएको छ । सो कार्य अस्ति अगष्ट ७,२०१९ मा सम्पन्न भएको हो । बिदेशको बिषम परिबेशमा दुख सुखको सामना गर्दै खाई नखाई दुइ चार डलर सँकलन गर्दै बोष्टनमा यसपटक नेपालीले गर्व लायक काम गरेका छन । भवन किनेपछि अस्ति बुधबार नै कार्यक्रम हलको दाया बाया स्टेजलाई स्वयँम्भु र पशुपतिनाथका शोभायमान दुइ मन्दिर राखी सजाईएको छ भने छुट्टाछुट्टै अन्य दुइ ठुला कोठामा बुद्द र पशुपतिनाथको मन्दिर राखी पुजा आजा ध्यान प्रार्थनाको ब्यबस्था मिलाईने जनाईएको छ ।

भवन किनेको खुसीमा बुधबार बेलुका सयौ नेपालीको सहभागितामा केक काटदै मिष्ठान्न प्रसाद ग्रहण गरियो । त्यसपछि बोष्टनको नेपालीबृतमा खुसीले छाएको छ, आ- आफ्नो मेडिया साइट फेसबुक ट्विटर वेवसाईड जताततै बधाई र शुभकामना आदान प्रदान भइरहेको छ । बोष्टनमा नेपाली कम्युनिटि सेन्टर सँचालन गर्ने नेपालीको बर्षौ देखिको चाहना हो, यसको लागी २०१२ मा श्री पशुपतिनाथ बुद्द फाऊण्डेशन न्यु ईङ्गलैण्ड ( प्याब्फोन ) गठन भएको थियो यसले हरेक बर्षका भैली धौसी र अन्य सुखद अवशरमा दान सँकलन गर्दै २०१७ मा अगष्ट ६-१३ सम्म श्रीमदभागवत ज्ञानमहायज्ञ सप्ताह लगाईएको थियो ।सप्ताहको नगद तथा कबोल रकम गरेर करिब १.८ मिलियन डलर सँकलन भएको र पछिल्लो दुई बर्षमा दर्जनौ घर हेर्दै जादा पछिल्लोपटक १.७५ मिलियन डलरमा ब्रेनट्रिको घर स्विकृत भएको थियो ।

भवन खरिद गर्ने क्रममा नेपाली हरु बकिल सहित नर्थफोक काऊन्टी स्थित मालपोत कार्यालयमा गई दुबै पक्ष बिच हस्ताक्षर गरी नेपाली कम्युनिटि सेन्टरको लागी पशुपतिनाथ बुद्द फाऊण्डेशनको नाममा घर नामसारी गर्ने काम सकेका थिए । 594 Washington st. Braintree,MA 02184 स्थित जग्गा स्पेश ०.५३ एकड ( करिब ४.२४ रोपनि जग्गा) भएको सन १९६३ मा बनेको, घर स्पेश १४,४०० स्क्वायर फुट को ,अफिसियल पार्किङ ४७ र बरपर बाटोमा थुप्रै पार्किङ गर्न सकिने , आफु अनुकुल केहि मर्मत गर्न परे पनि तत्काल केहि बनाऊन नपर्ने , कार्यक्रम हल स्टेज कुर्चि फर्निचर भएको , हलको माथिल्लो भागमा बल्कोनी जस्तै बस्नमिल्ने भाग ,तल्लो तला किचन हल भएको , नेपालीलाई चाहिने पशुपतिनाथ मन्दिर र बुद्द स्तुपाको लागी छुट्टाछुट्टै दुई ठुला कोठाहरु भएको, त्यसबाहेक पनि २ ठुला कोठाहरु भाडामा दिन सकिने , बिल्डिङको बाहिर पार्किङ साईडमा निकै ठुलो घण्टा राखिएको, पब्लिक रेल र बसको समेत सुबिधा भएको र ब्रेन्ट्रि स्टेशनबाट मात्र १० मिनेटको पैदल मार्ग दुरिको भवन किन्न जुन २८, २०१९ मा बिशेष साधारण सभाले म्याण्डेट दिएको थियो ।

भवन किनेको खुसीयालीमा बुधबार बेलुका भएको बिशेष जमघट तथा केक काटने कार्यक्रममा प्याब्फोनका अध्यक्ष बिष्णुमणि आचार्यले फाऊण्डेशन स्थापना कालदेखि, बोष्टन सप्ताह हुदै हालसम्मका डोनरहरुलाई बिशेष रुपमा सम्झेका थिए, सबैभन्दा बढि रकम दिएर साथ दिने समाजसेवी लक्ष्मी नारायण / झरना प्रधान ५१ हजार डलर, दोश्रोमा समाजसेवी शिव / अञ्जु श्रेष्ठ जोडी ४१ ह.डलर लगायत वेवसाईड pabfone.org/donation मा ऊल्लेख सबै डोनरहरुलाई सम्झदै ग्रेटर बोष्टन स्थित

साथ दिने सबै नेपाली सघसँस्था एवँ प्रत्यक्ष परोक्ष साथ प्याब्फोनका पदाधिकारी अन्य महिला तथा पुरुष समाजसेवी सबैलाई सम्झि सम्झि हार्दिक आभार ब्यक्त गरेका थिए । किनिएको कम्युनिटि सेन्टरलाई हात्तिको सँज्ञा दिदै यसलाई पाल्न सम्हार गर्ने पुन ठुलो ह्रदयका साथ सहयोगमा जुटन सबै नेपालीलाई अपिल गरे । त्यस्तै प्याब्फोनका चियर पर्शन मिलन गुरुङले पनि फाऊण्डेशको अभियानमा लागीपर्ने सबैलाई सम्झि सम्झि धन्यबाद दिदै मेडियाकर्मी साथीहरुको योगदान नभुल्ने बताए । प्याब्फोनका महासचिव ध्रुब घिमेरेले सँचालन गरेको कार्यक्रममा जि बि एन सि का अध्यक्ष अर्जुन कुवर, एन आर एन बोष्टन च्याप्टरका नव निर्वाचित अध्यक्ष प्रेम तामाङ, एन डब्लु जि एन कि अध्यक्ष शान्ती जोशी,प्याब्फोन नरऊड मेट्रो बेष्ट सब कमिटि का अध्यक्ष सुरेश ढकाल, जिबिएनसि का पुर्व अध्यक्ष बिनोद ओली, प्याब्फोनका सि. भाइस प्रेसिडेन्ट राम थापा, महासचिव भुवन गुरुङ, पुर्व महासचिव महेश्वर पन्त,सचिव यम पौडेल, कोषाध्यक्ष सुशिल पौडेल, सल्लाहकारहरु क्रमसः प्रल्हाद के सि, डा.ऊषा शर्मा, रुक्मणी कार्की, बिजय शर्मा, काजी शेर्पा, न्यु ह्याम्पसायर बाट आएका लोक लामा र अननरी मेम्बर व्दय रञ्जन बुढाथोकी एवँ मिन के सि समेतका महानुाभावहरुलाई एक एक मिनेट शुभकामना मन्तब्य राख्न दिइएको थियो ।भवन किनैकै दिन सानो चिज भनेपनि प्याब्फोनलाई ऊपहार दिने सचिव यम पौडेल र बोर्ड अफ डाइरेक्टर जाल प्रसाद घिमिरेले लाई पनि धन्यबाद दिइयो ऊहाहरुले नेपाल अनि अमेरिकाको झण्डा दिएका थिए ।

स्मरणिय रहोसः ग्रेटर बोष्टनमा नेपालीहरुको चाप बढदो छ करिव २५ हजारको हाराहारीमा नेपालीहरु रहेको अनुमान छ यसैले एक नेपाली सास्कृतिक केन्द्र खोली सामाजिक गतिबिधि सँचालन गर्न, नेपाली जनजातिका जन्म देखि मृत्यु सँस्कार सम्मका क्रिया कर्म गर्दै , नेपाली भाषा साहित्य, कला , सँस्कृतिमा रमाऊन र नेपाली पहिचानमा देखा पर्न नेपाली कम्युनिटि सेन्टरको आबश्यकता थियो यसको लागी बोष्टनमा सामाजिक क्षेत्रका सम्पुर्ण नेपालीको प्रतिनिधित्व हुने गरी प्याब्फोनको गठन भएको थियो यसका पदाधिकारी ले हरेक बर्ष चन्दा रकम ऊठाऊदै अत्यन्त पारदर्शि र इमान्दार भयर काम गर्नाले अनि सन २०१७ मा बाचन प्रबिण दिनबन्धु पोखरेल ल्याई सफल रुपमा भागवत सप्ताह सम्पन्न गर्नाले प्याब्फोन प्रतिको बिश्वास बोष्टनमा बढेको अबस्थामा घर किन्ने कुरा अगाडी आएपछि पनि पछिल्लो १ महिनामै साढे दुइलाख डलर रकम ऊठनु कम ऊत्साहप्रद कुरा थिएन । घर पास भएपछि पनि राम्रै प्रतिक्रिया आएको छ । सप्ताह समेत गरेर फाऊण्डेशनका कुल डोनर सँख्या करिब १००० हुन, अब करिब २१५ जनाबाट ७ लाख ४५ हजार डलर मात्र ऊठाऊन बाकी छ । बाकी रकम ऊठाऊन धेरै कुर्न नपर्ने देखिएको छ भने नया डोनर पनि धमाधम थपिएका छन । अस्ति बेलुकाको केक काटने कार्यक्रममा पनि बोष्टनकी सामाजिक क्षेत्रकि मान्ति शाह एवँ शान्ती जोशी लगायतले सहयोग हस्ताँतरण जारी राखे । सामाजिक अग्रज मान्ती शाह ले भवन रन गर्न आफ्नो नया काम को एक महिनाको तलब प्याब्फोनलाई दिने घोषणा गरिन भने एन डब्लु जि एन कि अध्यक्ष शान्ती जोशीले आफुले बोलेको रकम समेत गरेर ४००० डलर प्याब्फोनलाई बुझाई आफ्नो तर्फको सबै रकम चुक्ता गरिन । घर किनिसकेपछि कम्युनिटि सेन्टर सँचालन गर्न , मर्गेज तिर्न त्यतिकै अप्ठ्यारो हुने भएकाले बाकीरहेका साथीहरुलाई ढिला नगर्न प्याब्फोनले अपिल गरेको छ साथै घरमा सानो सानो रकमको सदस्यता बितरण जस्ता ऊपाय अपनायर भएपनि कसरी कम्युनिटि सेन्टर सँचालन गराऊन सकिन्छ ? आबश्यक निर्णय गर्न प्याब्फोनले आगामी सेप्टेम्बर २२ मा त्यहि नया भवनमा साधारण सभा बोलाएको छ । साथै कम्युनिटि सेन्टरका सबै काम सकि आगामी सेप्टेम्बर २९ आइतबार घटस्थापना का दिन ऊदघाटन कार्यक्रम राख्ने प्याब्फोनको सोचे रहेको छ ।

धन्यबाद ।

फोटोः यम पौडेल / मिलन गुरुङ

पशुपतिनाथ वुद्ध फाउण्डेशन अफ न्यू ईग्ल्याण्डको अत्यन्त जरूरी पूर्ण बैठक बस्नेबारे सम्वन्धित सबैलाई निमन्त्रणा ।

आदरणीय मासाच्यूसेट राज्यमा बसोबास गर्ने सम्पूर्ण नेपाली भाषि महानुभाबहरू,सस्थाका सल्लाहकारज्यूहरू, पदाधिकारीज्यूहरू तथा बोडअर्फ डाईरेक्टरज्यूहरू।

न्यू ईग्ल्याण्डबासि आदरणीय महानुभाबहरू गत अगस्ट ७ तारेख बुधबार २०१९ का दिन मासाच्यूसेट राज्यको 594 Washington st. Braintree,MA 02184 स्थित First Baptist Church नेपाली कम्यूनिटी सेन्टरको लागी खरिद गरिलिने कार्य सम्पन्न भएको छ । भबन खरिद पश्च्यात भबन संचालन संग सम्वन्धित सबै विषयहरूमा छलफल गरी निर्णय गर्नुपर्ने भएकोले

जरूरी बैठक निम्न स्थान, मिति र समयमा बोलाईएको हुदाँ तोकिएको समयमै सबैको अनिवार्य उपस्थितको लागी हार्दिक अनुरोध गरिन्छ ।

छलफल हुने बिषयः-

१ कम्यूनिटी भबन संचालन सम्वन्धि

आबश्यक सम्पूर्ण विषयहरू उपर छलफल गरी निर्णय गर्ने बारे ।

२ अर्थ संकलन,भबन खरिद गरीदातकको खर्च विबरण बारे छलफल गरी निर्णय गर्ने बारे ।

३ आगामी साधारण सभाको तयारी बारे ।

४ विविध ।

बैठक हुने स्थान :-

नेपाली कम्यूनिटी सेन्टरको सभाहल
594 Washington st.
Braintree,
MA 02184

मिति :- अगस्ट १८ तारेख आईतबार २०१९

पशुपतिनाथ वुद्ध फाउण्डेशन अफ न्यू ईग्ल्याण्डको जरूरी बैठक बस्नेबारे सम्वन्धित सबैलाई निमन्त्रणा

आदरणीय मासाच्यूसेट राज्यमा बसोबास गर्ने सम्पूर्ण नेपाली भाषि महानुभाबहरू,सस्थाका सल्लाहकारज्यूहरू, पदाधिकारीज्यूहरू तथा बोडअर्फ डाईरेक्टरज्यूहरू।

नेपाली कम्यूनिटी सेन्टरको लागी आबश्यक सबै पूर्वाधारहरू भएको 594 Washington st. Braintree,MA 02184 स्थित First Baptist Church खरिद गर्नाका लागी

हामीले पेश गरेको अफर स्विकर भै गत जून २८ तारेख २०१९मा बोलाईएको सस्थाको जरूरी विशेष साधारण सभाले कार्यसमितीले पेश गरेको उक्त भबन किन्ने प्रस्ताबलाई एक मतले पारित गरी P&S मा हस्ताक्षर गर्न अनुमति दिए मूताबिक गत जूलाई ३ तारेख बुधबार २०१९ मा P&S मा हस्ताक्षर भएको छ ।

आदरणिय महानुभाबहरू

विगतका अनुभबहरूबाट शिक्षा लिदै यस पटक बुझ्नु पर्ने सबै बिषयहरूमा संवन्धित क्षेत्रका ज्ञाता र प्राबिधकहरू समेतको सहयोग लिई बुझि,सोचबुझ पूर्णरूपमा P&S मा हस्ताक्षर गर्ने काम भएको छ । दशकौ देखि मासाच्यूसेट राज्यमा नेपाली कम्यूनिटी सेन्टरको स्थापनाको सपना साकार हुने सम्भाबना करिब करिब पूरा हुने लक्ष्य तर्फ अघि बडेको छ ।कुनै भबितब्य परेको अबस्थामा बाहेक आगामी एक महिना भित्र उक्त भबन हामीले पास गरेर लिई सक्नु पर्नेछ , हामीले गत बोस्टन सप्ताहमा दान रकम घोषणा गर्नुहुने सबै महानुभाबहरूलाई जानकारी गराई छिठो भन्दा छिठो उक्त रकम उठाउन सबैको सहयोगको आबश्यकता छ । तसर्थ यसै भबन खरिद प्रकॄया संग संवन्धित समग्र बिषयहरू उपर गहन छलफल गरि निर्णय गर्नुपर्ने भएकोले जरूरी बैठक निम्न स्थान, मिति र समयमा बोलाईएको हुदाँ तोकिएको समयमै सबैको अनिवार्य उपस्थितको लागी हार्दिक अनुरोध गरिन्छ ।

छलफल हुने बिषयः-

१ कम्यूनिटी भबनको लागी 594 Washington st. Braintree,MA 02184 को भबन खरिद गर्नका लागी आबश्यक सम्पूर्ण विषयहरू उपर छलफल गरी निर्णय गर्ने बारे ।

२ कम्यूनिटी भबन खरिदका लागी आबश्यक रकम संकलन के कसरी गर्ने भन्ने बारे छलफल गरी निर्णय गर्ने बारे ।

३ विविध ।

बैठक हुने स्थान :-

First Baptist Church
594 Washington st.
Braintree, MA 02184

मिति :- जूलाई १४ तारेख आईतबार २०१९

सम्वन्धित सबैलाई जानकारी

आदरणीय मासाच्यूसेट राज्यमा बसोबास गर्ने सम्पूर्ण नेपाली भाषि महानुभाबहरू,सस्थाका सल्लाहकारज्यूहरू, पदाधिकारीज्यूहरू तथा बोडअर्फ डाईरेक्टरज्यूहरू।

यस सस्थाको गत मार्च ३१ तारेख आईतबार २०१९ मा सम्पन्न जरूरी विशेष साधारण सभाले नेपाली कम्यूनिटी सेन्टरको लागी 630 Boston Rd, Billerica, MA 01821 को भबन खरिद गर्न आबश्यक कार्य गर्नाका लागी कार्यसमितीलाई अख्तियार प्रदान गरे मुताबिक उक्त भबन खरिद गर्न आबश्यक कार्यहरू गरी अप्रिल १७,२०१९ का दिन P&S मा हस्ताक्षर भै आबश्यक कार्यहरू हुदै गएकोमा सम्वन्धित टाँऊनको स्टकचरल ईन्जिनीएरले उक्त भबनमा प्रयोग गरीएका फलामहरू नयाँ नभै पुराना फलामहरू पुन प्रयोगमा ल्याईएको, भबनको भारबहान क्षमता प्रति वर्गफिट ५० पाऊण्ड मात्र भएको ऊक्त भारबहान क्षमता टाँऊनको न्यूनतम रिक्वायरमेन्ट भन्दा कम रहेको र उक्त न्यूनतम रिक्वायरमेन्ट पूरा गर्नका लागी कम्तीमा ५ लाख डलर बराबरको निर्माण कार्य गर्नुपर्ने र सो खर्च बढी पनि हुन सक्ने लगायतको प्रतिवेदन सहितका व्यहोरा यस सस्थाका आधिकारीक प्रतिनिधीलाई जानकारी गराए पछि यस सस्थाको मे ५ तारेखमा बसेको पूर्ण बैठकले एकमतले ऊक्त भबन खरिद प्रकृयालाई रोक्ने निर्णय भएको सम्वन्धित सबैलाई जानकारी गराईन्छ ।

धन्यबाद

पशुपतिनाथ वुध्द फाउण्डेशन अफ न्यू ईग्ल्याण्ड

आदरणीय मासाच्यूसेट राज्यमा बसोबास गर्ने सम्पूर्ण नेपाली भाषि महानुभाबहरू,सस्थाका सल्लाहकारज्यूहरू, पदाधिकारीज्यूहरू तथा बोडअर्फ डाईरेक्टरज्यूहरू।

यस सस्थाको गत मार्च ३१ तारेख आईतबार २०१९ मा सम्पन्न जरूरी विशेष साधारण सभाले नेपाली कम्यूनिटी सेन्टरको लागी 630 Boston Rd, Billerica, MA 01821 को भबन खरिद गर्न आबश्यक कार्य गर्नाका लागी कार्यसमितीलाई अख्तियार प्रदान गरे मुताबिक उक्त भबन खरिद गर्न आबश्यक कार्यहरू गरी अप्रिल १७,२०१९ का दिन P&S मा हस्ताक्षर भै आबश्यक कार्यहरू हुदै गएकोमा सम्वन्धित टाँऊनको स्टकचरल ईन्जिनीएरले उक्त भबनमा प्रयोग गरीएका फलामहरू नयाँ नभै पुराना फलामहरू पुन प्रयोगमा ल्याईएको, भबनको भारबहान क्षमता प्रति वर्गफिट ५० पाऊण्ड मात्र भएको ऊक्त भारबहान क्षमता टाँऊनको न्यूनतम रिक्वायरमेन्ट भन्दा कम रहेको र उक्त न्यूनतम रिक्वायरमेन्ट पूरा गर्नका लागी कम्तीमा ५ लाख डलर बराबरको निर्माण कार्य गर्नुपर्ने र सो खर्च बढी पनि हुन सक्ने लगायतको प्रतिवेदन सहितका व्यहोरा यस सस्थाका आधिकारीक प्रतिनिधीलाई जानकारी गराए पछि यस सस्थाको मे ५ तारेखमा बसेको पूर्ण बैठकले एकमतले ऊक्त भबन खरिद प्रकृयालाई रोक्ने निर्णय भएको सम्वन्धित सबैलाई जानकारी गराईन्छ ।

धन्यबाद

पशुपतिनाथ वुध्द फाउण्डेशन अफ न्यू ईग्ल्याण्ड
PABFONE
मे ६ तारेख २०१९

पशुपतिनाथ वुध्द फाउण्डेशन अफ न्यू ईग्ल्याण्डको अत्यन्त जरूरी पूर्ण बैठक बस्नेबारे सम्वन्धित सबैलाई निमन्त्रणा ।

आदरणीय मासाच्यूसेट राज्यमा बसोबास गर्ने सम्पूर्ण नेपाली भाषि महानुभाबहरू,सस्थाका सल्लाहकारज्यूहरू, पदाधिकारीज्यूहरू तथा बोडअर्फ डाईरेक्टरज्यूहरू।

नेपाली कम्यूनिटी सेन्टरको लागी 630 Boston Rd, Billerica, MA 01821 को भबन खरिद गर्न आबश्यक काम भैरहेकोमा सो खरिद प्रकृयाका बारेमा यस विचमा भएका केही महत्वपूर्ण बिषयहरूमा जानकारी दिन, अघिल्ला बैठकहरूको निर्णयहरुको समिक्षा र उक्त भबन खरिद प्रकॄया संग सम्वन्धित अन्य महत्वपूर्ण बिषयहरू उपर छलफल गरी निर्णय गर्नुपर्ने भएकोले अत्यन्त जरूरी बैठक निम्न स्थान, मिति र समयमा बोलाईएको हुदाँ सबैको अनिवार्य उपस्थितको लागी हार्दिक अनुरोध गरिन्छ ।

बैठक हुने स्थान :-

58 Montvale Ave, Stoneham, MA 02180-3605, United States (Namaste Nepali Resturant)

मिति :- मे ५ तारेख आईतबार २०१९

समय :- साँझ ५:३० बजे देखि ।